अव्यक्त प्रेम - कथा

एउटा केटाले एउटी केटिलाई धेरै मन पराउथ्यो र प्रेम गर्थ्यो।  केटाले केटिलाई सानै देखि धेरै माया गर्दथ्यो तर पनि केटीलाई केहि भन्न सकि रहेको हुदैन। केटा र केटी धेरै मिल्ने साथि थिए। संगै घुम्ने सगै खाने ,प्राय जसो उनीहरु दुई जना एक अर्का बीच झगाडा हुने गर्दथ्यो तर एक छिन झगडा भए पनि फेरी मिलिहाल्दथ्यो।  

 एक दिन केटाले केटीलाई  प्रेम प्रश्ताब राख्छु भनि भ्यालेन्टाईन्डेको दिन पारि फोन गरेर बोलाउँछ। .केटिले नाई म आउन सक्दिन, मेरो काम छ घरमा भन्छिन। केटा निराश हुन्छ ।  भोलि पल्ट केटा कलेज जान्छ र केटिलाई भेट्छ,अनि फेरी भन्छ "यो आउने शनिबार जसरी भए पनि भेटनु एउटा कुरा भन्नु छ।" केटिले पनि हुन्छ भन्छिन।

६ दिन पछि अर्थात् शनिबारको दिन बिहानै केटाले फोन गर्छ र १० बजे पार्कमा भेट्ने कुरा गर्छ। केटिले पनि हुन्छ भन्छिन। दिउँसोको समय केटा एक हातमा फुल लिएर पार्कमा बसि रहेको हुन्छ ,केटी आउने पर्खाईमा । तर ११ बजि सक्दा पनि केटि आउदैन। केटा निराश हुदै केटीको मोबाईलमा फोन गर्छ।  तर कुनै अपरिचित केटाले फोन उठाउछ र भन्छ ,

केटा: "को हो तपाईं?"

अपरिचित: "म कोई हैन तपाई यो मोबाईल धनीलाई चिन्नु हुन्छ भने चोकमा आउनुस्,किन कि भर्खरै यो मोबाईल धनी कार दुर्घटनामा परेकोछ।"

 केटा हतार हतार चोकमा पुग्छ। जब केटा पुग्छ, केटिले यो दुनिया छोडि सकेको हुन्छ। केटिको शरीर भरि रगत नै रगत देखेर केटाको आँखा भरि आँशु आउँछ र उ रुन थाल्छ। 

अनि अपरिचित एक जना केटाले केेेेेटीको मोबाइल दिंदै भन्छ "लिनुश यो मोबाईल,उहाँलाई कारले १० बजे तिर ठक्कर दिंदा यो मोबाईल उछिटीएको थियो.।"

केटा रुदै मोबाईल लिन्छ अनि पागल झैं छटपट हुन थाल्छ।  एक छिन पछि केटिको परिवार पनि आई पुग्छन।  केटा एक कुनामा गएर मन मनै सोच्छ, कि यो सब मैले गरेर हुन हुनगएको हो।  मैले भेट्न नबोलाएको भए यो सब हुने पनि थिएन भनेर।  

 केटा आखा भरि आशु लिएर रुँदै बस्छ।  त्यहि समय  केटाको मोबाईलमा एक म्यासेज आउछ।  केटाले म्यसेज हेर्छ।  केेेटिले पठाएको म्यासेज waiting मा बसेर भर्खरै केटाको मोबाइलमा मेसेज आएको हुन्छ।  sms मा लेखिएको थियो "म आउन ढिला हुन्छु नरिसाउ है। "

अनि केटाले केटिको मोबाईल चेक गर्छ । केटिको मोबाइल मेसेज भित्र जान्छ र हेर्छ।  केटिले केटाको लागि भनेर लेखेर राखेको धेरै म्यासेजहरु भेटाउछ। केटाको आखा झन् धेरै आँशुले भरिन्छ र आँशु पुछ्दै अरु म्यासेज पढ्न थाल्छ।  जुन म्यासेज हरु  केटिले केटालाई सेन्ड गर्न नसकि  सेभ गरि राखेकाथिए ।

एक म्यासेज यस्तो थियो "मेरो काले तिमीलाई धेरै माया गर्छु,तर म भन्न सक्दिन।  किन कि हाम्रो मायामा कतै खोट हुने त हैन भनेर। 

तिमी पनि मलाई धेरै माया गर्छौ मलाई थाहा छ।  तर मलाई डर थियो कि कतै हाम्रो मित्रता नै छुटिने होकि भनेर ।" यो पढे पछि केटा झन छागाबाट खसे झै हुन्छ।

यदि तपाइ पनि कसैलाई माया गर्नु हुन्छ भने ढिला नगर्नुस। नत्र तपाइले आफ्नो कुरा व्यक्त गर्न नपाइ समयले तपाइंलाई छोडी सकेको हुनेछ।